കഴിഞ്ഞ കുറേ മാസങ്ങളിലായി വിജയേന്ദ്രപ്രസാദും സംഘവും ഈ പ്രൊജക്ടിന്‍റെ ഗവേഷണത്തിലാണ്. ആര്‍ എസ് എസ് ചരിത്രവും ഹെഡ്ഗേവാറിന്‍റെയും മാധവ് സദാശിവ് ഗോള്‍വല്‍ക്കറിന്‍റെയും ജീവിതവുമൊക്കെ പഠിക്കുന്ന തിരക്കിലാണ് ഈ ടീം. കര്‍ണാടകയിലെ ബി ജെ പി നേതാവ് ലാഹരി വേലുവും അദ്ദേഹത്തിന്‍റെ സഹോദരന്‍ മനോഹര്‍ നായിഡുവുമാണ് ചിത്രം നിര്‍മ്മിക്കുന്നത്.
ഈ വര്‍ഷം അവസാനം ചിത്രീകരണം ആരംഭിക്കത്തക്ക രീതിയിലാണ് കാര്യങ്ങള്‍ പുരോഗമിക്കുന്നത്. ഹിന്ദി, തെലുങ്ക്, കന്നഡ, മറാത്തി ഭാഷകളില്‍ ചിത്രം പുറത്തിറങ്ങും.
