രഞ്ജിത് ശങ്കര്‍ സംവിധാനം ചെയ്യുന്ന അടുത്ത ചിത്രത്തിന് ‘ഞാന്‍ മേരിക്കുട്ടി’ എന്നാണ് പേര്. ഇതൊരു ഫീമെയില്‍ ഓറിയന്‍റഡ് സബ്ജക്ട് ആയിരിക്കുമല്ലോ, ആരായിരിക്കും നായിക എന്നൊക്കെ ചിന്തിച്ച് വശം‌കെടുമ്പോള്‍ ഇതാ പുതിയ വിവരങ്ങള്‍ എത്തുന്നു.
മേരിക്കുട്ടി എന്ന കഥാപാത്രത്തെ അവതരിപ്പിക്കുന്നത് ജയസൂര്യ തന്നെയാണ്. അപ്പോള്‍ ജയസൂര്യ പെണ്‍‌വേഷത്തില്‍ എത്തുകയാണോ എന്നുചോദിച്ചാല്‍ അല്ല. ഇപ്പോള്‍ ലഭിക്കുന്ന വിവരം അനുസരിച്ച്, സ്വന്തം പേരിനൊപ്പം അമ്മയുടെ പേരുകൂടി ചേര്‍ത്ത് പ്രശസ്തനാകുന്ന ഒരു യുവാവിന്‍റെ കഥയാണ് മേരിക്കുട്ടി എന്നത്. സ്ത്രീകളുടെ ഉന്നമനത്തിന് വേണ്ടി ശബ്ദമുയര്‍ത്തുന്ന ഒരു കഥാപാത്രമായിരിക്കും ഇത്.
