മലയാള സിനിമയിലെ ഗ്ലാമര്‍ താരമാണ് ഉണ്ണി മുകുന്ദന്‍. തന്റെ അഭിനയത്തിലൂടെ ആരാധകരുടെ മനസില്‍ ഇടം പിടിച്ച ഉണ്ണി പ്ലസ്ടു വരെ മാത്രമേ പഠിച്ചിട്ടുള്ളൂ. ബഡായി ബംഗ്ലാവില്‍ അതിഥിയായി വന്നപ്പോഴാണ് ഉണ്ണി മുകുന്ദന്‍ ഇത് വെളിപ്പെടുത്തിയത്. എന്തായിരുന്നു ആ തീരുമാനത്തിന് പിന്നിലെ പ്രചോദനം എന്ന് ഉണ്ണി വെളിപ്പെടുത്തിയിരുന്നില്ല.
എന്നാല്‍ വനിത മാഗസിന് നല്‍കിയ അഭിമുഖത്തില്‍ ഉണ്ണി അത് വെളിപ്പെടുത്തിരുന്നു. പ്ലസ്ടുവിന് പഠിയ്ക്കുമ്പോള്‍ ടീച്ചര്‍ പറഞ്ഞ ഒരേ ഒരു ഡയലോഗാണ് ഉണ്ണിയെ പഠിപ്പ് നിര്‍ത്താന്‍ പ്രേരിപ്പിച്ചത്. ഞാന്‍ പഠിച്ച സ്‌കൂളുകളെല്ലാം വളരെ സ്ട്രിക്ട് ആയിരുന്നു. അവിടെ നിന്ന് ഒട്ടും സ്ട്രിക്ട് അല്ലാത്ത കോളേജിലേക്കാണ് ഞാന്‍ ബികോം പഠിക്കാന്‍ പോയത്.
ഡിഗ്രിക്ക് ചേര്‍ന്ന് മൂന്നാം മാസം ഒരു സംഭവമുണ്ടായി. ബഹളമുണ്ടാക്കിയ കുട്ടികളോട് ടീച്ചര്‍ ചൂടായി, വേണമെങ്കില്‍ പഠിച്ചാല്‍ മതി, ആര്‍ക്കും നിര്‍ബന്ധമൊന്നുമില്ലെന്നും പറഞ്ഞു. പ്ലസ്ടുവിന് 83 ശതമാനം മാര്‍ക്ക് കിട്ടിയ എനിക്ക് ടീച്ചറിന്റ ആ ഡയലോഗ് ഇഷ്ടപ്പെട്ടില്ല. 'എങ്കില്‍ ഞാന്‍ പഠിക്കുന്നില്ല' എന്ന് എഴുന്നേറ്റ് നിന്ന് പറഞ്ഞിട്ട് ഇറങ്ങിപ്പോന്നുവെന്നും ഉണ്ണി വെളിപ്പെടുത്തി.
