'മാസ്റ്റര്‍ പീസ്' എന്ന പുതിയ സിനിമയുടെ ലൊക്കേഷനില്‍ മമ്മൂട്ടിയോടൊപ്പം നില്‍ക്കുന്ന ചിത്രം പങ്കുവെച്ച് സംവിധായകനും നടനുമായ സന്തോഷ് പണ്ഡിറ്റ്. തുടക്കകാലത്ത് എല്ലാവരാലും അകറ്റി നിര്‍ത്തപ്പെട്ട വ്യക്തിയായിരുന്നു സന്തോഷ് പണ്ഡിറ്റ്. എന്നാല്‍ അദ്ദേഹത്തെ ചേര്‍ത്ത് നിര്‍ത്തി, തോളില്‍ കൈയ്യിട്ട് ചിരിച്ചുകൊണ്ട് നില്‍ക്കുന്ന മമ്മൂട്ടിയ്‌ക്കൊപ്പമുള്ള ചിത്രങ്ങളാണ് പണ്ഡിറ്റ് തന്റെ ഫേസ്‌ബുക്കില്‍ ഷെയര്‍ ചെയ്തിരിയ്ക്കുന്നത്.
ചിത്രത്തിന്റെ ഷൂട്ടിങ് തുടരുകയാണെന്നും സെപ്റ്റംബര്‍ അവസാനത്തോടെ ചിത്രം പുറത്തിറങ്ങുമെന്നും പണ്ഡിറ്റ് പറയുന്നു. ഉരുക്കൊന്നുമല്ല താന്‍ മഹാപാവമാണെന്ന് പറഞ്ഞാണ് സന്തോഷ് പണ്ഡിറ്റ് പോസ്റ്റ് അവസാനിപ്പിക്കുന്നത്. ഇതാദ്യമാണ് താന്‍ സംവിധാനം ചെയ്യാത്ത ഒരു ചിത്രത്തില്‍ സന്തോഷ് പണ്ഡിറ്റ് അഭിനയിക്കുന്നത്. രാജാധിരാജയുടെ സംവിധായകന്‍ അജയ് വാസുദേവാണ് ചിത്രം ഒരുക്കുന്നത്.
