സിനിമയില്‍ പൊതുവേ അസൂയ, ജാഡ എന്നിവയൊക്കെ ഉള്ള താരങ്ങള്‍ ഉണ്ട്. സഹതാരങ്ങളുടെ അഭിനയത്തിലും വളര്‍ച്ചയും അസൂയപ്പെടുന്നവര്‍. എന്നാല്‍ അക്കൂട്ടത്തില്‍ നിന്നും വളരെ വ്യത്യസ്തയാണ് തെന്നിന്ത്യന്‍ സുന്ദരി സമാന്ത. പൊതുവെ സഹതാരത്തിന്റെ അഭിനയം ഇഷ്ടപെട്ടാല്‍ നടന്മാരാണ് അഭിപ്രായം പറയുക. നടിമാര്‍ ഇങ്ങനെ പ്രതികരിക്കുന്ന കൂട്ടത്തിലല്ല.
ഇപ്പോഴിതാ സായി പല്ലവിയെ പ്രശംസിച്ച് രംഗത്തെത്തിയിരിയ്ക്കുകയാണ് സമാന്ത. ഫിദ എന്ന ചിത്രത്തിലൂടെ തെലുങ്ക് സിനിമാ ലോകത്ത് അഭിമുഖമായ സായി പല്ലവിയെ ട്വിറ്ററിലൂടെയാണ് സമാന്ത പ്രശംസിച്ചത്. ഫിദയില്‍ എല്ലാം സായി പല്ലവിയാണെന്ന് സമാന്ത പറയുന്നു. ഇനി മുതല്‍ സായി പല്ലവി ഉള്ള സിനിമകള്‍ എല്ലാം താന്‍ കാണുമെന്നും സമാന്ത ട്വീറ്റ് ചെയ്തു. സമാന്തയ്ക്ക് നന്ദി പറഞ്ഞ് സായി പല്ലവിയും ട്വിറ്ററിലെത്തി.
