ലാല്‍ പറഞ്ഞു, ഇതുപോലെ ഒരു കൂതറ പടം ഞാന്‍ ചെയ്തിട്ടില്ല!
ബുധന്‍, 25 ഡിസം‌ബര്‍ 2013 (17:53 IST)
PRO
PRO
മോഹന്‍ലാല്‍ പറഞ്ഞ ഒരു കാര്യമാണ് പറഞ്ഞത്. ഇതുപോലെ ഒരു പടം ഞാന്‍ ചെയ്തിട്ടില്ല. പുതിയ സിനിമയാ‍യ കൂതറയെക്കുറിച്ചാണ് ലാല്‍ വാചാലനായത്. പേരുപോലെ തന്നെ തനിയ്ക്ക് ഒരു കൂതറ ലുക്കാണ് പടത്തിലെന്ന് ലാല്‍ വ്യക്തമാക്കി. കഴിഞ്ഞ ദിവസം തന്റെ ഫേസ്ബുക്ക് പേജില്‍ ലാല്‍ പോസ്റ്റ് ചെയ്ത ഫോട്ടോ സോഷ്യല്‍ മീഡിയകളില്‍ വൈറലായിരുന്നു.
ഭ്രാന്തമായ വേഷത്തില്‍ മടിയില്‍ ഒരു പട്ടിയെയും കൊണ്ട് ഇരിക്കുന്ന ചിത്രമാണ് ലാല്‍ ഫേസ്‌ബുക്കിലൂടെ പുറത്തുവിട്ടത്. താന്‍ ഏറെ പ്രതീക്ഷയോടെയാണ് ചിത്രത്തെ കാണുന്നതെന്ന് ലാല്‍ പറഞ്ഞു. വേഷവും കഥയുമായി ഏറെ ബന്ധമുണ്ട്. എന്നാല്‍ കഥാതന്തു ഇതുവരെ പുറത്തുവിട്ടിട്ടില്ല. ചിത്രം കണ്ടാല്‍ ഇത് ലാല്‍ തന്നെയോ എന്ന് തോന്നിപ്പോകുമെന്ന കാര്യത്തില്‍ സംശയമില്ല.
അടുത്ത പേജില്‍: കൂതറയുടെ നിയോഗമെന്ത്?
PRO
PRO
ഇതുവരെ ചിത്രത്തില്‍ മോഹന്ലാലിന്റെ കഥാപാത്രത്തിന്റെ പേരെന്താണ് കഥാപാത്രത്തിന്റെ നിയോഗമെന്താണ് തുടങ്ങിയ കാര്യങ്ങളൊന്നും സംവിധായകന്‍ ശ്രീനാഥ് രാജേന്ദ്രനും കൂട്ടരും പുറത്തുവിട്ടിട്ടില്ല. ചിത്രത്തില്‍ ലാലിനൊപ്പം തമിഴ് താരം ഭരത്, ആസിഫ് അലി, വിനീത് ശ്രീനിവാസന്‍, സണ്ണിവെയ്ന്‍ എന്നിവര്‍ പ്രധാന കഥാപാത്രങ്ങലായി എത്തുന്നുണ്ട്. ഒപ്പം പഴയകാല താരം രഞ്ജിനിയും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്.
ശ്രീനാഥ് രാജേന്ദ്രന്‍ തന്റെ ആദ്യചിത്രം കൊണ്ടുതന്നെ ശ്രദ്ധനേടിയ സംവിധായകനാണ്. ദുല്‍ക്കര്‍ സല്‍മാനെ സിനിമയില്‍ പരിചയപ്പെടുത്തിയ സെക്കന്‍റ് ഷോ എന്ന ചിത്രത്തിന്‍റെ സംവിധായകന്‍. ഏറെ സമയമെടുത്താണ് ശ്രീനാഥ് രാജേന്ദ്രന്‍ തന്റെ രണ്ടാമത്തെ ചിത്രമൊരുക്കുന്നത്. വിനി വിശ്വലാല്‍ ആണ് ‘കൂതറ’യുടെ രചന നിര്‍വഹിക്കുന്നത്. 2014ല്‍ മോഹന്ലാലിന്റെ പ്രധാന റിലീസുകളില്‍ ഒന്നായിരിക്കും കൂതറ.
