റണ്‍‌വേ, ലയണ്‍, ട്വന്‍റി 20 തുടങ്ങിയ മെഗാഹിറ്റുകള്‍ ജോഷി - ദിലീപ് ടീം മലയാളികള്‍ക്ക് സമ്മാനിച്ചതാണ്. വീണ്ടും അവര്‍ ഒന്നിക്കുന്നത് മറ്റൊരു മെഗാഹിറ്റിനുവേണ്ടിയാണ്. ലോക്പാലിന്‍റെ പരാജയത്തില്‍ നിന്ന് കരകയറാന്‍ ജോഷിക്ക് 'അവതാരം' വന്‍ ഹിറ്റാകേണ്ടത് ആവശ്യമാണ്.
തികച്ചും ഗ്രാമീണനായ മാധവന്‍ എന്ന യുവാവ് അവിചാരിതമായി നഗരത്തിലെത്തുകയാണ്. നഗരത്തിലെത്തിയ അവന് ഓരോ ദിവസവും പുതിയ പുതിയ ആളുകളെ പരിചയപ്പെടുന്നു. അവന് പരിചിതമായ ഒരു ലോകമായിരുന്നില്ല അത്. നഗരത്തിന്‍റെ മുഖത്തോട് പൊരുത്തപ്പെടാന്‍ അവന് കഴിയുന്നില്ല. എന്നാല്‍ സാഹചര്യം അവനെ പുതിയ ഒരാളാക്കി മാറ്റിത്തീര്‍ക്കുകയാണ്.
