ഭദ്രന്‍ അടുത്തതായി ഒരുക്കുന്ന സിനിമയില്‍ നായകനാകുന്നത് മോഹന്‍ലാല്‍ ആണ്. സ്ഫടികം പോലെ ഒരു ഗംഭീര സിനിമയായിരിക്കും ഇതെന്നാണ് റിപ്പോര്‍ട്ടുകള്‍. ചിത്രത്തിന്‍റെ തിരക്കഥ മോഹന്‍ലാലിന് ഏറെ ഇഷ്ടമായി. എന്നാല്‍, ഭദ്രന്‍ യഥാര്‍ത്ഥത്തില്‍ ഒരു മമ്മൂട്ടിച്ചിത്രമാണ് ആദ്യം പ്ലാന്‍ ചെയ്തിരുന്നത് എന്നത് അറിയുമോ? അത് സത്യമാണ്. ഉടയോന് ശേഷം ഭദ്രന്‍ ചെയ്യാനിരുന്നത് ഒരു മമ്മൂട്ടിച്ചിത്രമായിരുന്നു!
മമ്മൂട്ടിക്കു വേണ്ടി സ്വഭാവം മാറ്റാന്‍ താന്‍ തയ്യാറല്ലെന്നാണ് ഭദ്രന്‍ ആ അഭിമുഖത്തില്‍ വ്യക്തമാക്കിയത്. അയ്യര്‍ ദി ഗ്രേറ്റിന് ശേഷം മമ്മൂട്ടിയെ നായകനാക്കി ഭദ്രന്‍ സിനിമ ചെയ്തിട്ടില്ല. മമ്മൂട്ടിയെ നായകനാക്കി ഒരു സിനിമ ചെയ്യുക എന്നത് ഭദ്രന്‍റെ സ്വപ്നമായിരുന്നു. എന്നാല്‍ മമ്മൂട്ടി പറയുന്നത് ഭദ്രന്‍ ആനയെക്കാള്‍ കുഴപ്പക്കാരനാണെന്നാണ്. “ഞാന്‍ എന്‍റെ സ്വഭാവം മാറ്റാന്‍ ഉദ്ദേശിക്കുന്നില്ല. പിന്നെയുള്ള വഴി ഭദ്രന്‍ മാറുക എന്നതാണ്” - മമ്മൂട്ടി പറഞ്ഞത്രേ. പക്ഷേ, സ്വഭാവം മാറ്റാന്‍ ഭദ്രനും തയ്യാറല്ല. ഭദ്രന്‍ - മമ്മൂട്ടി കൂട്ടുകെട്ടിന്‍റെ സിനിമ ഉടനൊന്നും പ്രതീക്ഷിക്കാനാവില്ലെന്ന് സാരം.
