ബാഹുബലി ആടും, ബല്ലാലദേവ പാടും; മൂന്നാംഭാഗം റൊമാന്‍സ് കോമഡി ബാഹുബലി?
തിങ്കള്‍, 26 ഒക്‌ടോബര്‍ 2015 (09:36 IST)
ബാഹുബലിക്ക് മൂന്നാംഭാഗം വരുന്നു. എന്നാല്‍ ഈ സിനിമയില്‍ യുദ്ധവും പോരാട്ടവും ആക്രോശവും ഒന്നുമുണ്ടാകില്ലെന്നാണ്‌ സൂചന. ബാഹുബലിയുടെ രണ്ടാം ഭാഗത്തോടെ പോരാട്ടത്തിന്റെ കഥ അവസാനിക്കും. മൂന്നാം ഭാഗം ആഘോഷങ്ങള്‍ക്കുള്ളതാണത്രേ!
ചിത്രത്തിന്റെ മൂന്നാം ഭാഗം വരുന്നതായി സംവിധായകന്‍ എസ് എസ് രാജമൌലി തന്നെയാണ്‌ സ്ഥിരീകരിച്ചത്. ആദ്യ രണ്ടുഭാഗങ്ങളില്‍ നിന്ന് തികച്ചും വ്യത്യസ്തമായിരിക്കും മൂന്നാം ഭാഗം. ചിത്രത്തിലെ പ്രധാന കഥാപാത്രങ്ങളെ മാത്രമെടുത്ത് വ്യത്യസ്തമായ ഒരു കഥ പറയാനാണ്‌ സമ്വിധായകന്‍ ശ്രമിക്കുന്നത്. അത് ഇന്ത്യന്‍ പ്രേക്ഷകര്‍ക്ക് പുതിയൊരു അനുഭവമാകുമെന്നും രാജമൌലി പറയുന്നു.
ബാഹുബലിയും ശിവുഡുവും ബല്ലാലദേവനും കട്ടപ്പയുമെല്ലാം അണിനിരക്കുന്ന ഒരു റൊമാന്റിക് കോമഡിച്ചിത്രമായിരിക്കും മൂന്നാം ഭാഗമെന്നാണ്‌ റൂമറുകള്‍ പ്രചരിക്കുന്നത്. ചിത്രത്തിന്റെ രണ്ടാം ഭാഗമായ ബാഹുബലി: ദി കണ്‍ക്ളൂഷന്‍ അടുത്ത വര്‍ഷം പ്രദര്‍ശനത്തിനെത്തും.
അധികം താമസിയാതെ മൂന്നാം ഭാഗവും തിയേറ്ററുകളിലെത്തിക്കും. അതിനുശേഷമായിരിക്കും രാജമൌലിയുടേ മോഹന്‍ലാല്‍ ചിത്രം ഗരുഡയുടെ ചിത്രീകരണം ആരംഭിക്കുക. 1000 കോടി രൂപയാണ്‌ അതിന്റെ ബജറ്റ്.
