ബാലചന്ദ്രമേനോന്‍ സംവിധാനം ചെയ്ത ‘അമ്മയാണെ സത്യം‘ എന്ന സിനിമയിലൂടെയാണ് ആനി അഭിനയരംഗത്തേക്ക് എത്തിയത്. മഴയത്തും മുന്‍പേ, പാര്‍വതി പരിണയം, സ്വപ്‌നലോകത്തെ ബാലഭാസ്‌കരന്‍, സാക്ഷ്യം, രുദ്രാക്ഷം തുടങ്ങിയ സിനിമകളില്‍ മികച്ച പ്രകടനമാണ് ആനി കാഴ്ച വെച്ചത്.
ഞങ്ങളുടെ വിവാഹം കഴിഞ്ഞിട്ട് പതിനെട്ട് വര്‍ഷമായി ഇതുവരെ ആനി ഒന്നും സ്വന്തമായി വാങ്ങിയിട്ടില്ലെന്നും എന്നും ഞാനാണ് വാങ്ങി കൊടുക്കുന്നതെന്നും ഷാജി കൈലാസ് പറഞ്ഞു. ഷാജി കൈലാസ് പറഞ്ഞത് ആനി നൂറ് ശതമാനം ശരിവച്ചു. ആഭരണങ്ങളായാലും ഒരു നെയില്‍ പോളിഷ് ആണെങ്കിലും ഏട്ടന്‍ വാങ്ങി തന്നാല്‍ മാത്രമേ തനിക്ക് തൃപ്തിയാകുകയുള്ളൂവെന്നും ആനി പറഞ്ഞു. കണ്ണെഴുതുന്ന കാജല്‍ പോലും ഏട്ടന്‍ വാങ്ങി തരുമ്പോള്‍ സന്തോഷമാണെന്നും ആനി പറയുകയുണ്ടായി.
