കമല്ഹാസന് കരാര്‍ ഒപ്പിട്ടു, ദൃശ്യം തമിഴ് റീമേക്ക് ജൂണില്‍!
വെള്ളി, 31 ജനുവരി 2014 (15:35 IST)
PRO
മറ്റ് പ്രൊജക്ടുകള്‍ കമല്ഹാസന് മാറ്റിവയ്ക്കുകയാണ്. സംവിധായകന്‍ ജീത്തു ജോസഫും തന്‍റെ മലയാളം പ്രൊജക്ടുകള്‍ മാറ്റിവച്ചു. ഇരുവരും ഒന്നിക്കുന്നത് ‘ദൃശ്യം’ തമിഴ് റീമേക്കിന് വേണ്ടി. ദൃശ്യത്തിന്‍റെ തമിഴ് റീമേക്കിന്‍റെ ചിത്രീകരണം ജൂണില്‍ ആരംഭിക്കും. കമല്ഹാസന് കരാര്‍ ഒപ്പിട്ടു.
മലയാളത്തില്‍ നിന്ന് വലിയ വ്യത്യാസമൊന്നും തമിഴില്‍ വരുത്തില്ല. എന്നാല്‍ തമിഴ് സംസ്കാരവുമായി കൂടുതല്‍ യോജിച്ചുനില്‍ക്കുന്നതിനാവശ്യമായ വ്യതിയാനങ്ങള്‍ വരുത്തുകയും ചെയ്യും.
അടുത്ത പേജില്‍ - രജനീകാന്ത് അവസാനനിമിഷം വരെ ചിത്രത്തില്‍!
PRO
ദൃശ്യം കണ്ട് ആദ്യം തമിഴ് റീമേക്ക് താല്‍പ്പര്യം അറിയിച്ചവരില്‍ ഒരാള്‍ വിക്രം ആയിരുന്നു. പിന്നീട് രജനീകാന്തും കമല്‍ഹാസനും ചിത്രത്തിലെ ജോര്‍ജുകുട്ടിയെ അവതരിപ്പിക്കാന്‍ സന്നദ്ധത പ്രകടിപ്പിച്ചു.
എന്നാല്‍ ജീത്തു ജോസഫും രജനീകാന്തും തമ്മിലായിരുന്നു ഈ സിനിമയുടെ റീമേക്ക് സംബന്ധിച്ച് അവസാനനിമിഷം വരെ ചര്‍ച്ച പുരോഗമിച്ചത്. പക്ഷേ, ദൃശ്യത്തിലേതുപോലെ ഒരു സാധാരണക്കാരന്‍റെ കഥാപാത്രത്തെ തന്‍റെ ആരാധകര്‍ എങ്ങനെ സ്വീകരിക്കുമെന്ന ആശങ്കയാണ് രജനീകാന്തിനെ ഈ പ്രൊജക്ട് ഒഴിയാന്‍ പ്രേരിപ്പിച്ചത്.
പിന്നീട് കാര്യങ്ങളെല്ലാം പെട്ടെന്നായിരുന്നു. കമല്ഹാസന് തന്നെ പ്രൊജക്ടിലേക്ക് ഫിക്സ് ചെയ്യപ്പെട്ടു.
വൈഡ് ആംഗിള്‍ ക്രിയേഷന്‍സും സുരേഷ് പ്രൊഡക്ഷന്‍സും ചേര്‍ന്ന് തമിഴ് ദൃശ്യം നിര്‍മ്മിക്കും.
അടുത്ത പേജില്‍ - ദൃശ്യത്തിന്‍റെ കളക്ഷന്‍ ഇതുവരെ 24 കോടി!
PRO
ദൃശ്യത്തിന് ഇതുവരെയുള്ള ഗ്രോസ് കളക്ഷന്‍ 24 കോടി രൂപയോളം വരുമെന്നാണ് റിപ്പോര്‍ട്ടുകള്‍. മലയാളത്തിലെ എല്ലാ കളക്ഷന്‍ റെക്കോര്‍ഡുകളും തകര്‍ത്ത് ഈ ദശകത്തിന്‍റെ സിനിമയായി ദൃശ്യം മാറിക്കഴിഞ്ഞു.
ഈ സിനിമയുടെ തെലുങ്ക് റീമേക്കില്‍ വെങ്കിടേഷായിരിക്കും നായകന്‍. ശ്രീപ്രിയ ചിത്രം സംവിധാനം ചെയ്യും.
