കമല്‍ഹാസന്‍ 18 വര്‍ഷത്തെ ഇടവേളയ്ക്ക് ശേഷം സംവിധാനം ചെയ്യുന്ന ഹിന്ദിച്ചിത്രമാണിത്. ഈ ആക്ഷന്‍ ത്രില്ലര്‍ ബിഗ് ബജറ്റിലാണ് ഒരുക്കുന്നത്. സമകാലിക രാഷ്ട്രീയാവസ്ഥകളും സമ്പദ്‌വ്യവസ്ഥയും അധോലോകവും ഈ സിനിമ വിഷയമാക്കുന്നുണ്ട്. വീരേന്ദ്ര കെ അറോറയും അര്‍ജുന്‍ എന്‍ കപൂറും ചേര്‍ന്നാണ് ഈ ചിത്രം നിര്‍മ്മിക്കുന്നത്. കമല്‍ഹാസന്‍ തന്നെയാണ് ‘അമര്‍ ഹേ’യുടേ തിരക്കഥയും രചിക്കുന്നത്.
കഴിഞ്ഞ ആറു വര്‍ഷമായി കമലിന്‍റെ ചിന്തയിലിരിക്കുന്ന പ്രൊജക്ടാണിത്. മുംബൈയും വടക്കേയിന്ത്യയിലെ പ്രധാന സ്ഥലങ്ങളും ഈ സിനിമ പശ്ചാത്തലമാക്കുന്നുണ്ട്. ഒപ്പം വിദേശരാജ്യങ്ങളിലെ ചില നഗരങ്ങളും. മുംബൈ, ഡല്‍ഹി, ലണ്ടന്‍, ദുബായ്, ജോര്‍ദാന്‍ എന്നിവിടങ്ങളിലായി ചിത്രീകരിക്കുന്ന സിനിമ അമേരിക്കയിലെ ചില നഗരങ്ങളിലും ഷൂട്ട് ചെയ്യും. മലയാളത്തിലെ ഒരു സൂപ്പര്‍താരവും ഈ ചിത്രത്തില്‍ അഭിനയിക്കുന്നുണ്ടെന്നാണ് റിപ്പോര്‍ട്ട്.
