ഒടുവില്‍ ആ കാര്യത്തില്‍ തീരുമാനമായി; ഭാവനയുടെ വിവാഹം നീളുന്നത് ഈ കാരണത്താല്‍ ?

ഭാവനയും കന്നട നടനും നിർമാതാവുമായ നവീനും തമ്മിലുള്ള വിവാഹം ഇനിയും നീളുമെന്ന വാര്‍ത്ത സോഷ്യല്‍മീഡിയയില്‍ വലിയ ചര്‍ച്ചയായിരുന്നു. എന്നാല്‍ ഈ പ്രചരണങ്ങള്‍ തികച്ചും അടിസ്ഥാനരഹിതമാണെന്നും വിവാഹം പുതുവര്‍ഷാരംഭത്തില്‍ ഉണ്ടാകുമെന്നും കുടുംബവൃത്തങ്ങള്‍ സ്ഥിരീകരിച്ചു.

നവീനും ഭാവനയും തമ്മില്‍ കഴിഞ്ഞ നാലു വര്‍ഷമായി പ്രണയത്തിലാണ്. ഇരുവരും തമ്മിലുള്ള വിവാഹ നിശ്ചയവും കഴിഞ്ഞിരുന്നു. വളരെ സ്വകാര്യമായിട്ടു നടന്ന ചടങ്ങിലായിരുന്നു ഇരുവരുടെയും വിവാഹ നിശ്ചയ നടന്നത്. ബന്ധുക്കളും അടുത്ത സുഹൃത്തുക്കളും മാത്രമായിരുന്നു വിവാഹ നിശ്ചയത്തിൽ പങ്കെടുത്തിരുന്നത്.

എന്നാല്‍ വിവാഹം ഇപ്പോള്‍ വേണ്ടെന്നു നവീന്‍ പറഞ്ഞതായും ഏറ്റെടുത്ത ചില ചിത്രങ്ങളുമായി ഭാവന തിരക്കിലാണെന്നും അതിനാല്‍ വിവാഹം നീട്ടിവയ്ക്കുകയാണ് എന്നും നവീൻ അറിയിച്ചതായി ചില കന്നട സിനിമ ഓണ്‍ലൈനുകൾ റിപ്പോര്‍ട്ട് ചെയ്തിരുന്നു. എന്നാല്‍ ഭാവനയുടെ തിരക്കു കാരണമല്ല മറ്റു ചില കാരണങ്ങള്‍ കൊണ്ടാണ് വിവാഹം നീട്ടിവയ്ക്കുന്നത് എന്ന് ചിത്രമാല റിപ്പോര്‍ട്ട് ചെയതതോടെ ആരാധകര്‍ക്ക് ഏറ്റെ നിരശയായിരുന്നു.

‘നവീന്റെ അമ്മ മരിച്ച് ഒരു വര്‍ഷം തികയാന്‍ കാത്തിരുന്നതിനാലാണ് വിവാഹം നീട്ടിവെച്ചത്. അത് വളരെ നേരത്തെ തന്നെ എടുത്ത തീരുമാനമായിരുന്നു. ഇപ്പോള്‍ നവീന്‍ വിവാഹം വേണ്ടെന്നു പറഞ്ഞതായി പ്രചരിക്കുന്ന വാര്‍ത്ത തികച്ചും അടിസ്ഥാന രഹിതമാണ്. അടുത്ത വര്‍ഷം ആദ്യത്തോടെ വിവാഹം ഉണ്ടാകും.’ കുടുംബാംഗം പ്രതികരിച്ചു.