കേരള ജനത മുഴുവന്‍ മലയാളത്തിന്റെ നടന വിസ്മയം മോഹന്‍ലാലിന്റെ ജന്മദിനം ആഘോഷിക്കുന്നതിനിടെ അദ്ദേഹത്തെ കളിയാക്കി കെആര്‍കെ രംഗത്ത്. തന്റെ ട്വിറ്ററിലൂടെയാ‍ണ് വീണ്ടും ചോട്ടാ ഭീം എന്ന് വിളിച്ച് കെ ആര്‍ കെ മോഹന്‍ലാലിന് ആശംസകളറിയിച്ചിരിക്കുന്നത്. അതേസമയം കഴിഞ്ഞതവണ ആരാധകരും മറ്റും വിളിച്ചതിനേക്കാള്‍ അപ്പുറമുള്ള തെറിയാണ് ട്വിറ്റര്‍ പോസ്റ്റിന് ലഭിച്ചുകൊണ്ടിരിക്കുന്നത്.
വിഎ ശ്രീകുമാര്‍ മേനോന്‍ ലാലിനെ നായകനാക്കി 1000 കോടി ബജറ്റില്‍ രണ്ടാമൂഴം എന്ന ചിത്രം പ്രഖ്യാപിച്ചപ്പോഴാണ് ഇതിനുമുമ്പ് കെആര്‍കെ ആദ്യം മോഹന്‍ലാലിനെ ചോട്ടാ ഭീം എന്ന് വിളിച്ചത്. മോഹന്‍ലാല്‍ ഭീമനാകുന്നു എന്ന് പറഞ്ഞപ്പോള്‍, ചോട്ടാ ഭീമിനെ പോലെയിരിയ്ക്കുന്ന മോഹന്‍ലാല്‍ എങ്ങിനെ ഭീമനാകും എന്നായിരുന്നു കെആര്‍കെ ട്വീറ്റ് ചെയ്തത്. അന്നും മലയാളികളുടെ തെറിയഭിഷേകത്തിന് ഒരുകുറവുമുണ്ടായിരുന്നില്ല.
