ഇന്ദിരാഗാന്ധിയുടെ ജനനം മുതല്‍ മരണം വരെയുള്ള ഒരു സമ്പൂര്‍ണ ജീവിതകഥയായാണ് ചിത്രം പ്ലാന്‍ ചെയ്യുന്നത്. സിനിമയ്ക്ക് ഇതുവരെ പേര് നിശ്ചയിച്ചിട്ടില്ല. നാലുമാസങ്ങള്‍ക്ക് മുമ്പാണ് ഈ തിരക്കഥയുമായി മനീഷ് ഗുപ്ത വിദ്യാബാലനെ സമീപിച്ചത്. ഇന്ദിരയെ അവതരിപ്പിക്കാന്‍ വിദ്യയേക്കാള്‍ മികച്ച ഒരു ചോയ്സില്ല എന്ന അഭിപ്രായമാണ് സംവിധായകനുള്ളത്.
ഗാന്ധികുടുംബത്തിന്‍റെ അനുമതി ലഭിച്ചാല്‍ ചിത്രം നിര്‍മ്മിക്കാമെന്ന് ഒരു വലിയ നിര്‍മ്മാണക്കമ്പനി മനീഷ് ഗുപ്തയ്ക്ക് ഉറപ്പുനല്‍കിയിട്ടുണ്ട്. ഇതൊരു സാധാരണ ബോളിവുഡ് ചിത്രമായിരിക്കില്ല എന്ന് മനീഷ് ഗുപ്ത വ്യക്തമാക്കുന്നു. അറ്റന്‍‌ബറോയുടേ ‘ഗാന്ധി’ പോലെ ശ്രദ്ധേയമായേക്കാവുന്ന ഒരു പ്രൊജക്ടായാണ് മനീഷ് ‘ഇന്ദിര’യെ സ്വപ്നം കാണുന്നത്.
