ലോകകപ്പിനുള്ള വെസ്റ്റ് ഇന്‍ഡീസ് ക്രിക്കറ്റ് ടീമില്‍ നിന്ന് മുന്‍ ക്യാപ്റ്റന്‍ ഡ്വെയിന്‍ ബ്രാവോയെയും കൈറണ്‍ പൊള്ളാര്‍ഡിനെയും ഒഴിവാക്കിയതായി റിപ്പോര്‍ട്ട്. ഹോള്‍ഡറെയാണ് ടീം നായകനായി തെരഞ്ഞെടുത്തിരുന്നത്. അടുത്തമാസം ഓസ്ട്രേലിയയിലും ന്യൂസിലന്‍ഡിലുമായാണ് ലോകകപ്പ് മത്സരങ്ങള്‍ തുടങ്ങുക.
രണ്ടു മാസം മുമ്പ് ഇന്ത്യന്‍ പര്യടനം നടത്തുന്നതിനിടെയില്‍ ശമ്പള പ്രശ്നം ഉയര്‍ത്തിക്കാണിച്ച് വിന്‍ഡീസ് ടീമംഗങ്ങള്‍ നാട്ടിലേക്ക് തിരികെ മടങ്ങുകയായിരുന്നു. അന്നത്തെ ടീം നായകനായ ഡ്വെയിന്‍ ബ്രാവോയാണ് പര്യടനം ഉപേക്ഷിച്ച് മടങ്ങാന്‍ ടീമംഗങ്ങളെ പ്രേരിപ്പിച്ചതെന്നും. അതിന് പൊള്ളാര്‍ഡ് പിന്തുണ നല്‍കിയെന്നുമാണ് വിന്‍ഡീസ് ക്രിക്കറ്റ് ബോര്‍ഡിനോടടുത്ത വൃത്തങ്ങള്‍ പറയുന്നത്. ലോകകപ്പിനുള്ള 15 അംഗ ടീമിനെ തെരഞ്ഞെടുത്തെങ്കിലും ഔദ്യോഗികമായി പ്രഖ്യാപിച്ചിട്ടില്ല.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലുംട്വിറ്ററിലും പിന്തുടരുക.