കോഹ്ലിയുടെ വാക്കുകൾ സത്യമാണെന്ന് വ്യക്തമാക്കുന്ന വീഡിയോ ആണ് ഇപ്പോൾ പുറത്തുവരുന്നത്. ഇന്നലെ ന്യൂഡല്‍ഹിയില്‍ നടന്ന ചടങ്ങിനിടയില്‍നിന്നുളളതാണ് വീഡിയോ. ഡല്‍ഹിയിലെ ഫിറോഷ് ഷാ കോട്‌ല സ്റ്റേഡിയത്തിന്റെ പേര് അരുണ്‍ ജെയ്റ്റ്‌ലി സ്റ്റേഡിയം എന്നാക്കി മാറ്റുന്ന ചടങ്ങില്‍ പങ്കെടുക്കാനാണ് വിരാട് കോഹ്‌ലിയും ഭാര്യ അനുഷ്ക ശര്‍മ്മയും എത്തിയത്.
‘വിരാടിന്റെ വീട്ടിലെത്തിയപ്പോഴാണ് പിതാവ് മരിച്ചിട്ടും വിരാട് കോഹ്‌ലി രാജ്യത്തിനുവേണ്ടി മത്സരം കളിക്കാന്‍ പോയതായി അരുണ്‍ ജെയ്റ്റ്‌ലി അറിയുന്നത്. ക്രിക്കറ്റില്‍ കോഹ്ലിയുടെ പേര് ലോകം മുഴുവന്‍ അറിയുമെന്ന് അന്നു തന്നെ ജെയ്റ്റ്‌ലി പ്രവചിച്ചുവെന്നും” രജത് ശര്‍മ്മ പറഞ്ഞു. വിരാട് ഒട്ടും പ്രതീക്ഷിച്ചതായിരുന്നില്ല ഇത്. അതിനാൽ അത് കേട്ടപ്പോള്‍ കോഹ്ലിയുടെ കണ്ണ് നിറഞ്ഞു. അടുത്തിരുന്ന അനുഷ്ക കോഹ്ലിയുടെ കൈയ്യിൽ ആശ്വസിപ്പിക്കാനെന്ന വണ്ണം ചുംബിക്കുന്നത് വീഡിയോയിൽ കാണാം.
