ഇഷാന്‍ കിഷനെ ട്രോളി ഇന്ത്യന്‍ ആരാധകര്‍. ടീമിന് ഒരു ഗുണവും ചെയ്യാത്ത താരമാണ് ഇഷാന്‍ കിഷനെന്ന് നിരവധിപേര്‍ വിമര്‍ശിച്ചു. ന്യൂസിലന്‍ഡിനെതിരായ ഒന്നാം ട്വന്റി 20 മത്സരത്തില്‍ കൂടി നിരാശപ്പെടുത്തിയതോടെയാണ് താരത്തിനെതിരെ ആരാധകര്‍ രംഗത്തെത്തിയത്. ന്യൂസിലന്‍ഡിനെതിരായ ഏകദിന പരമ്പരയിലും താരം പൂര്‍ണ പരാജയമായിരുന്നു.
പൃഥ്വി ഷാ, സഞ്ജു സാംസണ്‍, ഋതുരാജ് ഗെയ്ക്വാദ് തുടങ്ങിയ യുവതാരങ്ങള്‍ പുറത്ത് അവസരങ്ങള്‍ക്കായി കാത്തുനില്‍ക്കുമ്പോള്‍ ഇനിയും എന്തിനാണ് ഇഷാന്‍ കിഷന് അവസരം നല്‍കുന്നതെന്നാണ് വിമര്‍ശകരുടെ ചോദ്യം.
