മൽസരം ബഹിഷ്കരിച്ച് രണ്ടു പോയിന്റ് എതിരാളികൾക്കു സമ്മാനിക്കുന്നതിനു പകരം, കളിച്ചു തോൽപ്പിച്ച് അവരുടെ മുന്നേറ്റം തടയണമെന്നാണ് സുനിൽ ഗാവാസ്കർ പറയുന്നത്. മൽസരത്തിൽനിന്ന് ഇന്ത്യ പിൻമാറണമെന്ന ആവശ്യമുയർത്തി മുൻ താരം ഹർഭജൻ സിങ്, ഗാംഗുലി തുടങ്ങിയവർ രംഗത്ത് വന്നതിനു പിന്നാലെയാണ് ഇവരിൽ നിന്നെല്ലാം വ്യത്യസ്തമായ നിലപാട് ഗാവാസ്കർ സ്വീകരിച്ചത്.
‘പാക്കിസ്ഥാനെതിരായ മൽസരത്തിൽ കളിക്കുന്നില്ലെന്ന് ഇന്ത്യ തീരുമാനിച്ചാൽ ആരാണു ജയിക്കുക? ഒരു സംശയവും വേണ്ട, പാക്കിസ്ഥാൻ തന്നെ. കാരണം, കളത്തിലിറങ്ങാതെ അവർക്കു രണ്ടു പോയിന്റാണ് ഇതിലൂടെ ലഭിക്കുന്നത്’- ഗാവാസ്കർ പറഞ്ഞു.
