ഓസ്ട്രേലിയക്കെതിരായ ടി20 പരമ്പര വിജയിച്ച ശേഷമുള്ള ടെസ്റ്റ് സീരീസിനെ പ്രതീക്ഷയോടെയാണ് ഇന്ത്യൻ ആരാധകർ ഉറ്റു‌നോക്കുന്നത്. ആദ്യ ടെസ്റ്റിൽ ഡേവിഡ് വാർണർ ഓസീസ് നിരയിലില്ല എന്നതും ഇന്ത്യക്ക് ആശ്വാസം നൽകുന്നുണ്ട്. എങ്കിലും കഴിഞ്ഞ തവണയിൽ നിന്നും വ്യത്യസ്‌തമായി കരുത്തരായ ഓസീസ് നിരയെയാണ് ഇന്ത്യ ഇത്തവണ നേരിടുന്നത്. ആദ്യ ടെസ്റ്റ് മത്സരത്തിന് ശേഷം നായകൻ വിരാട് കോലി ഇന്ത്യയിലേക്ക് മടങ്ങുന്നതും ടീമിന് തിരിച്ചടിയാകും.
20 വിക്കറ്റുകള്‍ വീഴ്ത്താതെ ടെസ്റ്റ് ജയിക്കാനാവില്ലെന്നു നമ്മള്‍ പറയാറുണ്ട്. എന്നാല്‍ അതു മാത്രം പോരാ, സ്‌കോര്‍ ബോര്‍ഡില്‍ മതിയായ റണ്‍സ് കൂടിയുണ്ടെങ്കില്‍ മാത്രമേ ടെസ്റ്റ് ജയിക്കാനാവുകയുള്ളു.ഴിഞ്ഞ ഓസീസ് പര്യടനത്തില്‍ വിക്കറ്റെടുക്കുന്നതിനൊപ്പം ഒരുപാട് റണ്‍സുമെടുക്കാന്‍ നമുക്കു കഴിഞ്ഞു. ഇത്തവണയും ഇതാവര്‍ത്തിച്ചാൽ മാത്രമെ ഇന്ത്യക്ക് വിജയിക്കാനാവുകയുള്ളുവെന്നും ഗവാസ്‌കർ പറഞ്ഞു.
