അടുത്ത ടി20 ലോകകപ്പിന് മുമ്പ് മികച്ച ടീമിനെ ഒരുക്കുന്നതിന്‍റെ ഭാഗമായി നിരവധി താരങ്ങളെ എന്‍സിഎയിലേക്ക് വിളിച്ചിരുന്നു. മലയാളി താരം സഞ്ജു സാംസണ്‍, കെ എല്‍ രാഹുല്‍, സൂര്യകുമാര്‍ യാദവ് എന്നിവരും ഹാർദിക്കിനൊപ്പം എൻസിഎ‌യിൽ ഉണ്ടായിരുന്നു.ഐപിഎല്ലിന് മുമ്പ് താരങ്ങളുടെ ഫിറ്റ്നസ് ഉറപ്പിക്കുകയാണ് ബിസിസിഐയുടെ പദ്ധതി.
കഴിഞ്ഞ ഒക്‌ടോബറില്‍ നടന്ന ടി20 ലോകകപ്പിന് ശേഷം ഹര്‍ദിക് ഇന്ത്യന്‍ ടീമില്‍ കളിച്ചിട്ടില്ല. ഇത് ടീമിൽ ഓൾറൗണ്ടർ എന്ന സ്ഥാനത്തിൽ നിലനിൽക്കാൻ ഹാർദ്ദിക്കിന് തടസമാണ്. ബാറ്റർ എന്ന നിലയിലും താരത്തിന് തിളങ്ങാൻ കഴിയാതിരുന്നതോടെ ഐപിഎല്‍ മെഗാതാരലേലത്തിന് മുമ്പ് മുംബൈ ഇന്ത്യന്‍സ് ഹര്‍ദിക്കിനെ കൈവിട്ടിരുന്നു. ഫിറ്റ്നസ് ടെസ്റ്റ് വിജയിച്ചതോടെ ബാറ്റിങ്ങിലും ബൗളിങ്ങിലും തിളങ്ങുന്ന പഴയ ഹാർദ്ദിക്കിനെ കാണാനാവുമെന്ന പ്രതീക്ഷയിലാണ് ആരാധകർ.
