ഇന്ത്യൻ നിരയിൽ ഫോം കണ്ടെത്താനാവാതെ നിൽക്കുന്ന ഭുവനേശ്വർ കുമാറിന് ന്യൂസിലൻഡിനെതിരായ നിർണായക മത്സരത്തിലെ പ്ലേയിങ് ഇലവനിൽ അവസരം നൽകരുതെന്ന് മുൻ താരങ്ങൾ. ഭുവനേശ്വറിന് പകരം ശാർദൂൽ ഠാക്കൂറിന് അവസരം നൽകണമെന്ന് മുൻ താരങ്ങളായ സുനിൽ ഗവാസ്‌കർ, വിരേന്ദർ സെവാഗ് എന്നിവർ ആവശ്യപ്പെട്ടു.
ഐപിഎല്ലിൽ മോശം ഫോമിലായിരുന്ന ഭുവി പാകിസ്ഥാനെതിരായ ഇന്ത്യൻ ഇലവനിൽ കളിച്ചിരുന്നു. ടീമിൽ ഇടം നേടിയെങ്കി‌ലും മത്സരത്തിൽ കാര്യമായ പ്രകടനം നടത്താൻ താരത്തിനായിരുന്നില്ല.ഇതോടെയാണ് ന്യൂസിലൻഡിനെതിരായ നിർണായക മത്സരത്തിൽ താരത്തെ ഉൾപ്പെടുത്തരുതെന്ന ആവശ്യം ഉയരുന്നത്. ബാറ്റിങിലും ശാർദൂലിനെ ആശ്രയിക്കാമെന്നതും ഒരു ഘടകമാണ്.
