ടെസ്റ്റ് ക്രിക്കറ്റിൽ ഏറ്റവും ഉയർന്ന വ്യക്തിഗത സ്കോർ വെസ്റ്റിൻഡീസ് ഇതിഹാസം ബ്രയാൻ ലാറയ്ക്ക് സ്വന്തമാണ്. ലാറയുടെ റെക്കോർഡ് തകർക്കാൻ ഇതുവരെ ആർക്കും സാധിച്ചിട്ടില്ല. എന്നാൽ, ലാറയുടെ ഈ റെക്കോർഡിനെ നിഷ്പ്രയാസം മറികടക്കാൻ കെൽപ്പുള്ള ഒരാളുണ്ടെന്ന് പറയുകയാണ് ഓസ്ട്രേലിയൻ ഓപ്പണർ ഡേവിഡ് വാർണർ.
അത് മറ്റാരുമല്ല, ഇന്ത്യൻ ക്രിക്കറ്റിന്റെ ഹിറ്റ്മാൻ രോഹിത് ശർമയാണ്. അഡ്‌ലെയ്ഡില്‍ പുറത്താകാതെ 335 റണ്‍സ് നേടിയ പ്രകടനത്തിന് ശേഷമാണ് ഓസീസ് താരം ഈ പ്രവചനം നടത്തിയത്. ഇന്ത്യന്‍ ഓപ്പണര്‍ രോഹിത്ത് ശര്‍മ്മയെയാണ് വാര്‍ണര്‍ ലാറയുടെ 400 റണ്‍സ് എന്ന സ്വപ്‌ന സമാനമായ റെക്കോര്‍ഡ് തകര്‍ക്കാന്‍ ശേഷിയുളള താരമായി പ്രവചിക്കുന്നത്.
