അടുത്തമാസം ആരംഭിക്കുന്ന ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടീമിനെ ശനിയാഴ്‌ച പ്രഖ്യാപിക്കും. അഞ്ച് ഏകദിനങ്ങളും മൂന്ന് ട്വന്റി20യുമാണ് ഇന്ത്യ കളിക്കുക. അത്ഭുങ്ങളൊന്നും സംഭവിച്ചില്ലെങ്കില്‍ മഹേന്ദ്ര സിംഗ് ധോണി തന്നെ ഇന്ത്യന്‍ ടീമിനെ നയിക്കുമെന്നാണ് റിപ്പോര്‍ട്ട്.
ജനുവരി പന്ത്രണ്ടിന് തുടങ്ങുന്ന പര്യടനം 31ന് അവസാനിക്കും. പേസിന്റെ നിലമായ പെര്‍ത്തിലാണ് ആദ്യ മത്സരം. സ്‌പിന്‍ കെണിയൊരുക്കി ദക്ഷിണാഫ്രിക്കക്കെതിരെ ടെസ്‌റ്റ് പരമ്പര സ്വന്തമാക്കി ടീം ഇന്ത്യയെ ഓസ്‌ട്രേലിയയില്‍ കാത്തിരിക്കുന്നത് പേസും ബൌണ്‍സും നിറഞ്ഞ അതിവേഗ പിച്ചുകളാണ്.