ബോര്‍ഡ് പ്രസിഡന്റ്സ് ഇലവനെതിരായ സന്നാഹ മത്സരത്തില്‍ ഓസീസിന് വിജയക്കുതിപ്പ്. 103 റണ്‍സിന്റെ മികച്ച വിജയത്തോടെ ഓസ്ട്രേലിയ ഇന്ത്യന്‍ പര്യടനത്തിന് തുടക്കമിട്ടു. ആദ്യ ടോസ് നേടി ബാറ്റിനിറങ്ങിയ ഓസീസ് 347 റണ്‍സ് എന്ന കൂറ്റന്‍ മതില്‍ പടുത്തുയര്‍ത്തിയ ശേഷമാണ് പ്രസിഡന്റ് ഇലവന് ബാറ്റിങ് നല്‍കിയത്. 244 റണ്‍സിന് പ്രസിഡന്റ് ഇലവനെ പുറത്താക്കി.
മാർകസ് സ്റ്റോയ്നിസ് 76 റണ്‍സ് എടുത്ത് കളിയില്‍ മികച്ച് നിന്നു. ഒപ്പം, ട്രാവിസ് ഹെഡ്(65), ഡേവിഡ് വാർണർ(64), ക്യാപ്റ്റൻ സ്റ്റീവ് സ്മിത്ത്(55) എന്നിവരുടെ അർധ സെഞ്ചുറിയും ഓസീസിന്റെ ആത്മവിശ്വാസം വര്‍ധിപ്പിച്ചു. മറുപടി ബാറ്റിങ്ങിനിറങ്ങിയ പ്രസിഡന്റ്സ് ഇലവന് ഓപ്പണർ രാഹുൽ ത്രിപതിയെ (7) ആദ്യമേ തന്നെ ടീമിന് നഷ്ടമായി.