മിക്കി ആര്‍തറെ ആഷസ്‌ പരമ്പരയ്ക്കു തൊട്ടുമുന്‍പാണ്‌ പുറത്താക്കിയത്‌. ഇന്ത്യക്കെതിരായ കളികളിലെയും ചാംപ്യന്‍സ്‌ ട്രോഫിയിലെയും മോശം പ്രകടനത്തിന്റെ പേരിലും ടീമിലെ അച്ചടക്കരാഹിത്യത്തിന്റെ ഉത്തരവാദിത്തവും ആരോപിച്ച് 2015 വരെ കരാര്‍ ഉണ്ടായിരുന്ന ആര്‍തറെ വളരെപ്പെട്ടെന്നു പുറത്താക്കിയത്‌.
എന്നാല്‍, ദക്ഷിണാഫ്രിക്കക്കാരനായ താന്‍ വംശീയ വേര്‍തിരിവിന്‌ ഇരയാവുകയായിരുന്നു എന്നാണ്‌ ആര്‍തറുടെ വെളിപ്പെടുത്തല്‍. ക്യാപ്റ്റന്‍ മൈക്കല്‍ ക്ലാര്‍ക്കിനും ഷെയ്ന്‍ വാട്സണും ഇടയിലുള്ള പ്രശ്നം പരിഹരിക്കാന്‍ ശ്രമിച്ചതിന്റെ പേരില്‍ പലപ്പോഴും അസ്വസ്ഥത അനുഭവിക്കേണ്ടിവന്നു.
ആര്‍തറുടെ ഭാഗത്തുനിന്ന്‌ ഇങ്ങനെയൊരു നീക്കമുണ്ടായതില്‍ നിരാശയുണ്ടെന്നും ആത്മവിശ്വാസത്തോടെ ഇതിനെ നേരിടുമെന്നും ക്രിക്കറ്റ്‌ ഓസ്ട്രേലിയ വക്‌താവ്‌ പറഞ്ഞു.
