നവാഗതനായ ഡീനോ ഡെന്നിസ് സംവിധാനം ചെയ്ത ബസൂക്കയും ഗൗതം വാസുദേവ് മേനോൻ സംവിധാനം ചെയ്ത ഡൊമിനിക് ആൻഡ് ലേഡീസ് പേഴ്‌സ് എന്ന സിനിമയും ഇതുവരെ ഒ.ടി.ടി റിലീസ് ആയിട്ടില്ല. പുതിയ റിപോർട്ടുകൾ അനുസരിച്ച്, ഡൊമിനിക് ആൻഡ് ദി ലേഡീസ് പേഴ്സിനെ പോലെ തന്നെ, ഡിജിറ്റൽ റൈറ്റ് സംബന്ധിച്ച തർക്കങ്ങളെ തുടർന്നാണ് ബസൂക്ക ഇനിയും ഒ.ടി.ടി. സ്‌ക്രീനുകളിൽ എത്തതെന്നാണ് വിവരം.
മമ്മൂട്ടിയുടെ ഈ വർഷത്തെ റിലീസ് ആയിരുന്നു ഈ രണ്ട് സിനിമകളും. 2025ൽ ഒരു ആവറേജ് തുടക്കമാണ് മമ്മൂട്ടിക്ക് കിട്ടിയത്. രണ്ട് സിനിമയും തിയേറ്ററിൽ വലിയ ഹിറ്റ് ആയിരുന്നില്ല. എല്ലാ പ്രേക്ഷകരെയും തൃപ്തിപ്പെടുത്താൻ സിനിമയ്‌ക്കായില്ല. ഗൗതം വാസുദേവ് മേനോൻ സംവിധാനം ചെയ്ത ചിത്രം ബോക്സ് ഓഫീസിൽ ആവറേജ് വിജയമായപ്പോൾ, ഡീനോ ടെന്നീസിന്റെ ആദ്യ സംവിധാന സംരംഭം സാമ്പത്തിക പരാജയമായിത്തീർന്നു.
റിപോർട്ടുകൾ അനുസരിച്ച്, ബസൂക്ക ഒ.ടി.ടി.യിൽ റിലീസാവാത്തതിന് കാരണം സാമ്പത്തിക തർക്കമാണ്. മമ്മൂട്ടി നായകനായ ഗെയിം ത്രില്ലറിന്റെ ഒ.ടി.ടി. സ്ട്രീമിംഗ് അവകാശം സ്വന്തമാക്കിയിരിക്കുന്നത് സീ 5 എന്ന പ്രമുഖ പ്ലാറ്റ്‌ഫോം ആണെന്നാണ് അറിയാൻ കഴിയുന്നത്. എന്നാൽ, ചിത്രത്തിന്റെ നിർമ്മാതാക്കളും, സീ 5 ടീമും തമ്മിൽ ഇതുവരെ ഒ.ടി.ടി. സ്ട്രീമിംഗ് തുകയുടെ കാര്യത്തിൽ ഒരു തീരുമാനത്തിൽ എത്തിയിട്ടില്ല. ഈ തർക്കം പരിഹരിക്കാതെ ബസൂക്ക ഒ.ടി.ടി സ്‌ക്രീനുകളിൽ എത്തില്ല എന്നാണ് അറിയാൻ കഴിയുന്നത്.
