അഹങ്കാര പ്രകടനത്തിന്റെ വിഡിയോ, നഷ്ടമായത് 9 ജീവനുകളാണ്,ഉള്ളു പിടയുന്നു, കുറിപ്പുമായി നടന്‍ റഹ്‌മാന്‍
ഇങ്ങനെയൊക്കെ കാട്ടിക്കൂട്ടാന്‍ അയാള്‍ക്ക് ധൈര്യം കൊടുത്തത് ആരാണെന്നാണ് അദ്ദേഹം ചോദിക്കുന്നത്. നഷ്ടമായത് 9 ജീവനുകളാണ്.അഞ്ജന, ഇമ്മാനുവല്‍, ക്രിസ്, ദിയ, എല്‍ന, വിഷ്ണു, ദീപു, രോഹിത്, അനൂപ് ഈ നിഷ്‌കളങ്ക മുഖങ്ങള്‍ ചിത്രങ്ങളില്‍ കാണുമ്പോള്‍ ഉള്ളു പിടയുന്നുവെന്ന് റഹ്‌മാന്‍ പറയുന്നു.
ഓര്‍ക്കുമ്പോള്‍ ഇപ്പോഴും നെഞ്ചിടിക്കുന്നു.
സംഭവിക്കാന്‍ പാടില്ലാത്ത ദുരന്തം.
ആ ബസിന്റെ സ്റ്റിയറിങ് പിടിച്ച ഡ്രൈവര്‍ എന്തുമാത്രം അശ്രദ്ധയോടെയാണ് ഇത്രയും കുട്ടികളെ ബസിലിരുത്ത് അമിതവേഗത്തില്‍ പാഞ്ഞത് ?
എഴുന്നേറ്റു നിന്ന്, പാട്ടിനൊപ്പം ഡാന്‍സ് കളിച്ചു കൊണ്ട് ഇതേ ഡ്രൈവര്‍, മുന്‍പൊരിക്കല്‍ നടത്തിയ 'അഹങ്കാരപ്രകടന'ത്തിന്റെ വിഡിയോ ഇന്നു കണ്ടു.
അഞ്ജന, ഇമ്മാനുവല്‍, ക്രിസ്, ദിയ, എല്‍ന, വിഷ്ണു, ദീപു, രോഹിത്, അനൂപ്...
ഈ നിഷ്‌കളങ്ക മുഖങ്ങള്‍, ചിത്രങ്ങളില്‍ കാണുമ്പോള്‍, ഉള്ളു പിടയുന്നു.
