സൗദി വെള്ളക്ക ടീമിന്റെ കുറിപ്പ് വായിക്കാം
ഓപ്പറേഷന്‍ ജാവയിലെ തഗ് അമ്മച്ചി ഒരുപാട് ചര്‍ച്ച ചെയ്യപ്പെട്ട ഒന്നാണ്, ആ വേഷം ചെയ്യാന്‍ എത്തിയപ്പോള്‍ മുതല്‍ ഉള്ള സൗഹൃദമാണ് സ്മിനുവും തരുണും തമ്മിലുള്ളത്.
കഥകേട്ട് ഷൂട്ടിംഗിന് ലൊക്കേഷനില്‍ എത്തിയ സ്മിനു തരുണിന് തന്നിലുള്ള വിശ്വാസത്തെ ഊട്ടിയുറപ്പിക്കും വിധം കഥാപാത്രത്തെ മനോഹരമാക്കി... അസാധ്യ ടൈമിംഗ് ഉള്ള, അനുഭവങ്ങള്‍ ഉള്ള കലാകാരിയാണ് താനെന്ന് സാക്ഷ്യപ്പെടുത്തുന്ന പെര്‍ഫോര്‍മന്‍സുകള്‍ കൊണ്ട് ടീമിനെ ഒന്നാകെ കൈയ്യിലെടുത്താണ് അവര്‍ മടങ്ങിയത്.
ഞങ്ങള്‍ക്ക് ഒരു ചേച്ചിയാണ്, അമ്മയാണ്..
എന്തിനും ഏതിനും കൂട്ടത്തില്‍ നിന്ന കളിച്ചും ചിരിച്ചും അഭിനയിക്കുന്ന ഞങ്ങളുടെ സ്മിനു ചേച്ചി... ഡിസംബര്‍ രണ്ടിന് സൗദി വെള്ളക്ക തീയറ്ററില്‍ എത്തുമ്പോള്‍ ചേച്ചിയുടെ കഥാപാത്രമായ പ്രധാനാദ്ധ്യാപികയെ കാണാന്‍ നിങ്ങളെ ഞങ്ങള്‍ വിളിക്കുകയാണ്...
