മമ്മൂട്ടിയെ നായകനാക്കി ആഷിഖ് അബു സംവിധാനം ചെയ്ത ചിത്രമായിരുന്നു 'ഗാങ്സ്റ്റര്‍'. ആഷിഖ് അബു-മമ്മൂട്ടി കൂട്ടുകെട്ട് ഒരുമിക്കുന്നുവെന്നത് തന്നെയായിരുന്നു ഈ സിനിമയുടെ ഏറ്റവും വലിയ ഹൈലൈറ്റ്. എന്നാൽ, സിനിമ തിയേറ്ററിൽ വീണു. ഇപ്പോഴിതാ, ഈ ചിത്രം മോശമായിരുന്നില്ലെന്ന് നിർമാതാവ് സന്തോഷ് ടി. കുരുവിള ഉറപ്പിച്ചു പറയുന്നു.
ചിത്രത്തിന്റെ റിലീസിന് തലേദിവസം രാത്രി 11 മണിക്ക് ആഷിഖ് അബുവും റിമ കല്ലിങ്കലും താനും ഒരുമിച്ചിരുന്ന് സിനിമ കണ്ടപ്പോള്‍ തന്നെ ഇത് കൈവിട്ടുപോയെന്ന് തിരിച്ചറിഞ്ഞു. ഉടന്‍ തന്നെ വിമാനത്തില്‍ കൊച്ചിയിലെത്തി ആൻ്റണി പെരുമ്പാവൂരിൻ്റെ വീട്ടില്‍ ചെന്ന്, 'പടം നമ്മുടെ കൈയ്യില്‍ നിന്ന് വിട്ടുപോയി, ഇത് വിജയിക്കില്ലെന്ന്' അദ്ദേഹത്തെ അറിയിച്ചതായും സന്തോഷ് ടി കുരുവിള വെളിപ്പെടുത്തി.
