കൊറോണ വ്യാപനത്തെ തുടർന്ന് രാജ്യത്ത് ലോക്ക്ഡൗൺ പ്രഖ്യാപിച്ച സാഹചര്യത്തിൽ പ്രതിസന്ധിയിലായ ദിവസവേതനക്കാർക്ക് ധനസഹായം പ്രഖ്യാപിച്ച് സൽമാൻ ഖാൻ. ലോക്ക്ഡൗണിനെ തുടർന്ന് പ്രതിസന്ധിയിലായ 25,000 തൊഴിലാളികൾക്കാണ് സൽമാൻ സഹായം പ്രഖ്യാപിച്ചിരിക്കുന്നത്.മൂന്നു ദിവസം മുമ്പ് തങ്ങളെ സല്‍മാന്‍ ബീയിങ് ഹ്യൂമന്‍ ഫൗണ്ടേഷന്‍ വിളിച്ചിരുന്നതായും 25000 തൊഴിലാളികള്‍ക്ക് സഹായം നൽകാമെന്നും പറഞ്ഞതായി ഫെഡെറേഷന്‍ ഓഫ് വെസ്റ്റേണ്‍ ഇന്ത്യ സിനെ എംപ്ലോയീസ് യൂണിയന്‍ പ്രസിഡണ്ട് ബി.എന്‍. തിവാരി പറഞ്ഞു.
