മിമിക്രി താരം നാദിര്‍ഷാ സംവിധായകനാകുന്നു. അമര്‍ അക്ബര്‍ ആന്റണി എന്നു പേരിട്ടിരിക്കുന്ന ചിത്രത്തില്‍ പൃഥ്വിരാജ്, ഇന്ദ്രജിത്ത്, ജയസൂര്യ എന്നിവര്‍ പ്രധാനവേഷങ്ങളില്‍ എത്തുന്നു.
കോമഡിക്ക് പ്രാധാന്യം നല്‍കി ഒരുക്കുന്ന ചിത്രം അമര്‍, അക്ബര്‍, ആന്റണി എന്നീ മൂന്നു പേരുടെ കഥയാണ് പറയുന്നത്. അടുത്ത വര്‍ഷം മാര്‍ച്ച് അവസാനത്തോടെ സിനിമയുടെ ഷൂട്ടിംഗ് ആരംഭിക്കും. മറ്റ് അഭിനേതാക്കളുടെ കാര്യത്തില്‍ തീരുമാനമായിട്ടില്ല. നാദിര്‍ഷായുടെ അടുത്ത സുഹൃത്തായ ദിലീപ് ചിത്രത്തിലില്ല. എന്നാല്‍ ദിലീപിനൊപ്പം ഒരു ചിത്രം ഒരുക്കുമെന്ന് നാദിര്‍ഷാ അറിയിച്ചു.
