റിലീസ് പ്രഖ്യാപിച്ച് ജോജുജോര്‍ജ് ചിത്രം'ഒരു താത്വിക അവലോകനം'. ഡിസംബര്‍ മൂന്നിന് സിനിമ തിയേറ്ററുകളില്‍ എത്തും. താന്‍ ആദ്യമായി ചെയ്ത സിനിമ ബിഗ് സ്‌ക്രീനില്‍ എത്തുന്ന ത്രില്ലിലാണ് സംവിധായകന്‍ അഖില്‍ മാരാര്‍.ക്ലീന്‍ യു സര്‍ട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. പൂര്‍ണമായും രാഷ്ട്രീയ ആക്ഷേപ ഹാസ്യത്തിനു പ്രാധാന്യം നല്കി ഒരുക്കുന്ന സിനിമ കൂടിയാണിത്.
സിനിമ എന്തെന്നറിയാതെ ഒരുവന്റെ ആഗ്രഹങ്ങള്‍.
ഒരു സിനിമ പൂര്‍ത്തിയാക്കിയ ശേഷമാണ് ഞാന്‍ സിനിമ എന്തെന്നറിഞ്ഞത്..
കഥ,തിരക്കഥ,സംഭാഷണം, സംവിധാനം
അഖില്‍ മാരാര്‍..
ഏവരുടെയും പ്രാര്‍ത്ഥനയും പിന്തുണയും ഒപ്പമുണ്ടാകും എന്ന പ്രതീക്ഷയോടെ...'- അഖില്‍ മാരാര്‍ കുറിച്ചു.
അജു വര്‍ഗീസും ഷമ്മി തിലകനും രാഷ്ട്രീയക്കാരായി ചിത്രത്തില്‍ എത്തും. ഷമ്മി തിലകന്‍, മേജര്‍ രവി, പ്രേംകുമാര്‍, ബാലാജി ശര്‍മ്മ, വിയാന്‍, ജയകൃഷ്ണന്‍, നന്ദന്‍ ഉണ്ണി, മാമുക്കോയ, പ്രശാന്ത് അലക്‌സ്, ഉണ്ണി രാജ്, സജി വെഞ്ഞാറമൂട് എന്നിവരാണ് മറ്റു പ്രധാന വേഷങ്ങളില്‍ എത്തുന്നത്.
