നേര് പോലെയുള്ള സിനിമ അല്ല, ജോലികളിലേക്ക് വൈകാതെ കടക്കും, വരാനിരിക്കുന്ന സിനിമയെക്കുറിച്ച് ജീത്തു ജോസഫ്
ജീത്തു ജോസഫിന്റെ അടുത്ത സിനിമയില്‍ ഫഹദ് ഫാസിലാണ് നായകന്‍. നേരിന് ശേഷം വീണ്ടും ഒരു കോര്‍ട്ട് റൂം ഡ്രാമയുമായാണ് സംവിധായകന്‍ വരുന്നത് എന്ന അഭ്യൂഹങ്ങള്‍ പ്രചരിച്ചു. ഇതിനെല്ലാം മറുപടി നല്‍കിയിരിക്കുകയാണ് ജീത്തു ജോസഫ്.റിയലിസ്റ്റിക് കോര്‍ട്ട് റൂം ഡ്രാമയായിരുന്നു നേര്. തിരക്കഥ ഒരുക്കിയിരിക്കുന്നത് ശാന്തി മായാദേവിയാണ്. ചിത്രത്തില്‍ ശാന്തി അഭിനയിച്ചിരുന്നു. ഫഹദിന്റെ സിനിമയ്ക്കും തിരക്കഥ ഒരുക്കുന്നത് ശാന്തി തന്നെയാണ്.
'നേരിന്റെ സ്‌ക്രിപ്റ്റ് ഞാനും ശാന്തിയും ചേര്‍ന്നാണ് എഴുതിയത്. എന്നാല്‍ ഈ സിനിമയുടെ സ്‌ക്രിപ്റ്റില്‍ ഞാന്‍ ശാന്തിയെ സഹായിച്ചിട്ടില്ല. നേര് പോലെ ഒരു കോര്‍ട്ട് റൂം ഡ്രാമയല്ല ഇത്. കോടതിയും ഇതില്‍ ഒരു പ്രധാന ഘടകമായി വരുന്നുണ്ടെന്നേയുള്ളൂ. ഇതിന്റെ ഴോണര്‍ ഏതാണെന്ന് ചോദിച്ചാല്‍ ലീഗല്‍ ത്രില്ലര്‍ എന്ന് പറയാന്‍ പറ്റും.
യഥാര്‍ത്ഥ സംഭവങ്ങളില്‍ നിന്ന് ഇന്‍സ്‌പെയര്‍ഡായ സിനിമയാണിത്. ശാന്തിക്ക് അറിയാവുന്ന ഒരു സംഭവം എന്നോട് പറഞ്ഞപ്പോള്‍ അതില്‍ ഒരു സിനിമയ്ക്കുള്ള കഥയുണ്ടെന്നു മനസ്സിലായിം അധികം വൈകാതെ ആ സിനിമയുടെ ജോലികളിലേക്ക് കടക്കാന്‍ പറ്റും എന്നാണ് വിശ്വസിക്കുന്നത്. അടുത്തവര്‍ഷം തിയറ്ററില്‍ എത്തും എന്ന് വിചാരിക്കുന്നു',-ജീത്തു ജോസഫ് പറഞ്ഞു
