1. സൂത്രധാരന്‍
2001 ല്‍ റിലീസ് ചെയ്ത സൂത്രധാരനില്‍ അതുവരെ മലയാളി കാണാത്ത ബിന്ദു പണിക്കരെയാണ് കണ്ടത്. ദിലീപും മീര ജാസ്മിനും കേന്ദ്ര കഥാപാത്രങ്ങളെ അവതരിപ്പിച്ച സൂത്രധാരന്‍ സംവിധാനം ചെയ്തത് ലോഹിതദാസാണ്. ദേവുമ്മ (ദേവയാനി) എന്ന നെഗറ്റീവ് ഷെയ്ഡുള്ള കഥാപാത്രത്തെയാണ് ബിന്ദു പണിക്കര്‍ സൂത്രധാരനില്‍ അവതരിപ്പിച്ചത്. മികച്ച രണ്ടാമത്തെ നടിക്കുള്ള സംസ്ഥാന അവാര്‍ഡ് ഈ കഥാപാത്രത്തിലൂടെ ബിന്ദു പണിക്കര്‍ സ്വന്തമാക്കി.
2. ശ്രീകൃഷ്ണപുരത്തെ നക്ഷത്രത്തിളക്കം
1998 ലാണ് രാജസേനന്‍ സംവിധാനം ചെയ്ത ശ്രീകൃഷ്ണപുരത്തെ നക്ഷത്രത്തിളക്കം റിലീസ് ചെയ്തത്. കെ.പി.എ.സി.ലളിത, കലാരഞ്ജിനി, ബിന്ദു പണിക്കര്‍ എന്നിവരാണ് ചിത്രത്തില്‍ മത്സരിച്ചഭിനയിച്ചത്. അതില്‍ തന്നെ ബിന്ദു പണിക്കര്‍ അവതരിപ്പിച്ച ഇന്ദുമതി എന്ന കഥാപാത്രം പ്രേക്ഷകരെ പൊട്ടിച്ചിരിപ്പിച്ചു.
