തിരുവനന്തപുരത്തെ അധോലോകങ്ങളുടെ കഥപറയുന്ന കാപ്പയിൽ പൃഥ്വിരാജും മഞ്ജുവാര്യരും കൂടാതെ ആസിഫ് അലിയും അന്നാ ബെന്നും പ്രധാന കഥാപാത്രങ്ങളെ അവതരിപ്പിക്കുമെന്നാണ് ആദ്യം പറഞ്ഞിരുന്നത്. വേണുവാണ് ആദ്യം ചിത്രം സംവിധാനം ചെയ്യാനിരുന്നത്. എന്നാൽ വേണു സംവിധാനത്തിൽ നിന്നും പിന്മാറിയതോടെ ഷാജി കൈലാസ് സംവിധായകനായി. ജി ആർ ഇന്ദുഗോപൻ്റെ ശംഖുമുഖി എന്ന നോവെല്ലയെ ആസ്പദമാക്കിയാണ് ചിത്രമൊരുങ്ങുന്നത്.
