Mammootty: സിനിമയിലെത്തിയിട്ട് അരനൂറ്റാണ്ടോളം ആയെങ്കിലും അഭിനയത്തോടുള്ള താല്‍പര്യം തനിക്ക് ഒരു ശതമാനം പോലും കുറഞ്ഞിട്ടില്ലെന്ന് ആവര്‍ത്തിക്കുകയാണ് മമ്മൂട്ടി. അവസാന ശ്വാസം വരെ സിനിമ മടുക്കില്ലെന്നും ലോകത്തുള്ള ആയിരക്കണക്കിനു നടന്മാരില്‍ ഒരാള്‍ മാത്രമാണ് താനെന്നും മമ്മൂട്ടി പറഞ്ഞു. ടര്‍ബോ സിനിമയുടെ പ്രൊമോഷനുമായി ബന്ധപ്പെട്ട് ഇന്‍സ്റ്റഗ്രാം ഇന്‍ഫ്‌ളുവന്‍സര്‍ ഖാലിദ് അല്‍ അമീറുമായി നടത്തിയ അഭിമുഖത്തില്‍ സംസാരിക്കുകയായിരുന്നു മമ്മൂട്ടി.
' എനിക്ക് സിനിമ ഒരിക്കലും മടുത്തിട്ടില്ല. എന്റെ അവസാന ശ്വാസം വരെ അങ്ങനെ തോന്നുകയുമില്ല. ഞാന്‍ മരിച്ചു കഴിഞ്ഞാല്‍ എത്ര നാള്‍ അവര്‍ എന്നെ കുറിച്ച് ഓര്‍ക്കും? ഒരു വര്‍ഷം..? പത്ത് വര്‍ഷം..? അതോ 15 വര്‍ഷം..? അതോടു കൂടി കഴിഞ്ഞു. ലോകാവസാനം വരെ മറ്റുള്ളവര്‍ നമ്മെ ഓര്‍ത്തിരിക്കുമെന്ന് പ്രതീക്ഷിക്കരുത്. അങ്ങനെയൊരു അവസരം ആര്‍ക്കും ഉണ്ടാകില്ല,'
