കല്‍കി 2898 എന്ന സിനിമയുടെ വമ്പന്‍ വിജയത്തോടെ പാന്‍ ഇന്ത്യന്‍ സ്റ്റാര്‍ എന്ന വിശേഷണം ഹൈപ്പ് മാത്രമല്ലെന്ന് തെളിയിച്ചിരിക്കുകയാണ് ഇന്ത്യന്‍ സിനിമയിലെ ബാഹുബലിയായ പ്രഭാസ്. ബാഹുബലി എന്ന ബ്രഹ്മാണ്ഡ സിനിമയുടെ വന്‍ വിജയത്തിന് ശേഷം സാഹോ,ആദിപുരുഷ്,സലാര്‍ തുടങ്ങിയ സിനിമകളുമായി എത്തിയെങ്കിലും വലിയ രീതിയില്‍ വിജയങ്ങളാകാന്‍ ഈ സിനിമകള്‍ക്ക് സാധിച്ചിരുന്നില്ല. എന്നാല്‍ കല്‍കിയിലൂടെ ഇതിന്റെയെല്ലാം കുറവ് പ്രഭാസ് നികത്തിയിരിക്കുകയാണ്.
