ലിയോ തീയറ്ററുകളില്‍ ഉത്സവമായി മാറിയപ്പോള്‍ സംവിധായകന്‍ ലോകേഷ് കനകരാജ് വിജയ് ഉള്‍പ്പെടെയുള്ള സിനിമ ക്രൂവിന് നന്ദി പറഞ്ഞു. ലിയോ എന്ന സ്വപ്നം സാധ്യമാക്കാന്‍ രാവും പകലും തുടര്‍ച്ചയായി കൂടെ പ്രവര്‍ത്തിച്ചവര്‍ക്കും ഒപ്പം നിന്ന വിജയ്യ്ക്കും ലോകേഷ് നന്ദി പറഞ്ഞു.സിനിമയിലെ സര്‍പ്രൈസുകള്‍ ആരും പുറത്ത് പറയരുതെന്നും അദ്ദേഹം റിലീസിന് മുന്നോടിയായി എഴുതിയ കുറിപ്പില്‍ പറയുന്നു.
ലോകേഷ് കനകരാജ് സംവിധാനം ചെയ്ത 'ലിയോ' ലോകേഷ് സിനിമാറ്റിക് യൂണിവേഴ്സിന്റെ ഭാഗമാണ്. ചിത്രത്തില്‍ വിജയ്, തൃഷ, അര്‍ജുന്‍, സഞ്ജയ് ദത്ത്, ഗൗതം മേനോന്‍, പ്രിയ ആനന്ദ്, മിഷ്‌കിന്‍, മന്‍സൂര്‍ അലി ഖാന്‍, മാത്യു തോമസ്, സാന്‍ഡി, അനുരാഗ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു. അനിരുദ്ധ് രവിചന്ദറാണ് സംഗീത സംവിധാനം നിര്‍വ്വഹിച്ചിരിക്കുന്നത്.
