മോഹന്‍ലാല്‍- ജീത്തു ജോസഫ് കൂട്ടുക്കെട്ടില്‍ ഒരുങ്ങുന്ന റാം സിനിമ ഇനിയും വൈകുമെന്ന് റിപ്പോര്‍ട്ട്. ദൃശ്യം, നേര് തുടങ്ങിയ സിനിമകളിലൂടെ മലയാളികളുടെ മനസ് കീഴടക്കിയ കൂട്ടുക്കെട്ടിന്റെ ഏറ്റവും ആരാധകപ്രതീക്ഷയുള്ള സിനിമയാണ് റാം. ചിത്രീകരണം ആരംഭിച്ച് വര്‍ഷങ്ങളായിട്ടും സിനിമ ഇതുവരെ പൂര്‍ത്തിയായിട്ടില്ല. ഓഗസ്റ്റില്‍ ചിത്രീകരണം പൂര്‍ത്തിയാക്കി ഈ വര്‍ഷം ക്രിസ്മസിന് സിനിമ റിലീസ് ചെയ്യുമെന്നായിരുന്നു നേരത്തെ പുറത്തുവന്ന റിപ്പോര്‍ട്ടുകള്‍. എന്നാല്‍ ഇത് ഇനിയും വൈകുമെന്നാണ് പുതിയ റിപ്പോര്‍ട്ടുകള്‍ പറയുന്നു.
മോഹന്‍ലാലിനൊപ്പം തൃഷയാണ് സിനിമയിലെ നായികയാകുന്നത്. സംയുക്താ മേനോന്‍,സുമന്‍,അനൂപ് മേനോന്‍ ഇന്ദ്രജിത്ത് തുടങ്ങി വലിയ താരനിരയും സിനിമയിലുണ്ട്. സിനിമയില്‍ ഒരു റോ ഏജന്റ് കഥാപാത്രമായാണ് മോഹന്‍ലാല്‍ എത്തുന്നത്. പല വിദേശരാജ്യങ്ങളിലുമായി ചിത്രീകരിച്ച സിനിമ മികച്ച ആക്ഷന്‍ ത്രില്ലര്‍ കൂടിയാകുമെന്നാണ് വിവരങ്ങള്‍.
