അതേ, പരാജയപ്പെട്ട ഒരു വില്ലന്‍റെ കഥയാണ് നരകാസുരന്‍. ‘ധ്രുവങ്കള്‍ 16’ എന്ന വമ്പന്‍ ഹിറ്റിന് ശേഷം കാര്‍ത്തിക് നരേന്‍ സംവിധാനം ചെയ്യുന്ന തമിഴ് സിനിമ. ഇന്ദ്രജിത്തിന് ഈ ചിത്രത്തില്‍ സുപ്രധാനമായ കഥാപാത്രമാണ്. പൊലീസ് വേഷത്തിലാണ് ഇന്ദ്രജിത്ത് എത്തുന്നത്.
അരവിന്ദ് സ്വാമി നായകനാകുന്ന ചിത്രത്തില്‍ ശ്രീയ സരണ്‍, സുദീപ് കിഷന്‍ തുടങ്ങിയവരും അഭിനയിക്കുന്നു. ചിത്രത്തിന്‍റെ ആദ്യ ടീസര്‍ പുറത്തുവന്നു. ഒരു തകര്‍പ്പന്‍ ത്രില്ലറായിരിക്കും സിനിമയെന്ന പ്രതീക്ഷ നല്‍കുന്നതാണ് ടീസര്‍. ഗൌതം വാസുദേവ് മേനോനാണ് നരകാസുരന്‍ വിതരണത്തിനെടുത്തിരിക്കുന്നത്. ധ്രുവങ്കള്‍ 16 പോലെ ചിത്രം വന്‍ ഹിറ്റാകുമെന്നാണ് റിപ്പോര്‍ട്ടുകള്‍.
