കരിയറിലെ ഉയര്‍ന്ന സമയത്തിലൂടെയാണ് നടന് നസ്ലെന് കടന്ന് പോകുന്നത്. മോളിവുഡില്‍ നിന്ന് കോളിവുഡ് വരെ എത്തിനില്‍ക്കുകയാണ് താരത്തിന്റെ അഭിനയ ജീവിതം. അജിത്തിന്റെ 'ഗുഡ് ബാഡ് അഗ്ലി' എന്ന സിനിമയില്‍ നസ്ലെനും അഭിനയിക്കുന്നുണ്ട്. ആദിക് രവിചന്ദ്രന്‍ സംവിധാനം ചെയ്യുന്ന സിനിമയുടെ ചിത്രീകരണം പുരോഗമിക്കുന്നു. ഇന്ന് പിറന്നാള്‍ ആഘോഷിക്കുന്ന നസ്ലെന് എത്ര പ്രായമുണ്ടെന്ന് അറിയാമോ ?
പ്രേമലു 100 കോടി ക്ലബ്ബില്‍ എത്തിയതിന് പിന്നാലെ നായകനായ നസ്ലെനും ഒരു നേട്ടം സ്വന്തമാക്കിയിരുന്നു. ഈ നേട്ടത്തില്‍ എത്തുന്ന ഏറ്റവും പ്രായം കുറഞ്ഞ നായകന്‍ എന്ന റെക്കോര്‍ഡാണ് നസ്ലെന് സ്വന്തമാക്കിയിരിക്കുന്നത്. 31 വയസ്സ് പ്രായമുള്ളപ്പോള്‍ ഹൃദയം സിനിമയിലൂടെ പ്രണവ് മോഹന്‍ലാലും ഇരുപത്തിയെട്ടാമത്തെ വയസ്സില്‍ ആര്‍ഡിഎക്സ് എന്ന ചിത്രത്തിലൂടെ ഷെയ്ന്‍ നിഗവും 50 കോടി ക്ലബ്ബില്‍ എത്തിയിരുന്നു. ഇരുവരുടെയും റെക്കോര്‍ഡാണ് നസ്ലെന് തകര്‍ത്തത്. മലയാളത്തില്‍ നിന്നുള്ള ഇരുപത്തിയൊന്നാമത്തെ ചിത്രമായാണ് പ്രേമലു 50 കോടി ക്ലബ്ബില്‍ എത്തിയത്.
