സന്ദര്‍ശനം ഉടനെ തന്നെയുണ്ടാകുമെന്ന് ദേശീയ വനിതാ കമ്മീഷന്‍ അറിയിച്ചു. കൂടുതല്‍ പരാതി ഉള്ളവര്‍ക്ക് പരാതികള്‍ നേരിട്ട് അറിയിക്കാമെന്നും ദേശീയ വനിതാ കമ്മീഷന്‍ വ്യക്തമാക്കി. ഹേമ കമ്മിറ്റി റിപ്പോര്‍ട്ടിന്റെ പൂര്‍ണരൂപം ആവശ്യപ്പെട്ട് ദേശീയ വനിതാ കമ്മീഷന്‍ ചീഫ് സെക്രട്ടറിക്ക് കത്തയച്ചിരുന്നെങ്കിലും മറുപടി പോലും ലഭിച്ചില്ലെന്ന് ദേശീയ വനിതാ കമ്മീഷന്‍ പറയുന്നു.
ഹേമ കമ്മിറ്റിക്ക് മുന്നില്‍ ലൈംഗിക ഉപദ്രവവും ചൂഷണവും വെളിപ്പെടുത്തിയ ഇരുപതിലധികം പേരുടെ മൊഴി ഗൗരവസ്വഭാവമുള്ളതാണെന്ന് പ്രത്യേക അന്വേഷണസംഘം വിലയിരുത്തിയിരുന്നു. മൊഴി നല്‍കിയവരെ നേരിട്ട് ബന്ധപ്പെടാനാണ് പ്രത്യേക അന്വേഷണസംഘത്തിന്റെ തീരുമാനം. മൊഴിയില്‍ നിയമനടപടിക്ക് തുടരാന്‍ ആഗ്രഹിക്കുന്നവരുടെ പരാതിയില്‍ അടുത്തമാസം മൂന്നാം തീയ്യതിക്കുള്ളില്‍ കേസെടുക്കും.
