പുതിയ സിനിമ സംഘടനയില്‍ ഭാഗമല്ലെന്ന് വ്യക്തമാക്കി മഞ്ജുവാര്യരുടെ മാനേജരും നിര്‍മ്മാതാവുമായ ബിനീഷ് ചന്ദ്ര. സംഘടനയില്‍ ഭാഗമാണെന്ന തരത്തില്‍ പ്രചരിക്കുന്ന കത്തില്‍ പേര് വച്ചത് തന്റെ അറിവോടെ അല്ലെന്നും സംഘടനയുടെ ആശയം നല്ലതാണെന്നും എന്നാല്‍ പുതിയ സംഘടനയില്‍ ചേരാന്‍ തീരുമാനമെടുത്തിട്ടില്ലെന്നും അദ്ദേഹം പറഞ്ഞു. പുതിയ സംഘടനയില്‍ അംഗമെല്ലെന്ന് നേരത്തെ സംവിധായകന്‍ ലിജോ ജോസ് പെല്ലിശ്ശേരി ഫേസ്ബുക്കില്‍ കുറിച്ചിരുന്നു.
