വിനീത് ശ്രീനിവാസന്‍ തിരക്കഥയൊരുക്കി ജി.പ്രജിത്ത് സംവിധാനം ചെയ്ത ഒരു വടക്കന്‍ സെല്‍ഫിയില്‍ നിവിന്‍ പോളിയുടെ നായികയായി അഭിനയിച്ച മഞ്ജിമ മോഹന്‍ ആണിത്. ബാലതാരമായാണ് മഞ്ജിമ സിനിമയില്‍ സജീവമാകുന്നത്. മമ്മൂട്ടി ചിത്രം കളിയൂഞ്ഞാലില്‍ ശാലിനയുടെ കുട്ടിക്കാലം അവതരിപ്പിച്ച ബേബി മഞ്ജിമ പിന്നീട് മയില്‍പ്പീലിക്കാവ്, സാഫല്യം, പ്രിയം, തെങ്കാശിപ്പട്ടണം, മധുരനൊമ്പരക്കാറ്റ്, സുന്ദരപുരുഷന്‍ തുടങ്ങിയ ശ്രദ്ധേയ സിനിമകളിലെല്ലാം അഭിനയിച്ചു. പ്രിയത്തിലെ അനു എന്ന കഥാപാത്രം ഏറെ ശ്രദ്ധിക്കപ്പെട്ടു.
