തെലുങ്ക് നിര്‍മാതാക്കളായ അല്ലു അരവിന്ദ്, മധു മണ്ടേന എന്നിവരാണ് സിനിമ ഒരുക്കുന്നത് എന്നാണ് വിവരം. ചിത്രം ഹിന്ദിയില്‍ ആമിര്‍ഖാനെയും തമിഴില്‍ സൂര്യയേയും വെച്ച് ഒരേസമയം ഷൂട്ട് തുടങ്ങാനാണ് പദ്ധതിയെന്നാണ്‍ പിങ്ക് വില്ല റിപ്പോര്‍ട്ട് ചെയ്യുന്നത്. ഗജിനി രണ്ടാം ഭാഗത്തിന്റെ ആശയം സൂര്യക്കും ആമിര്‍ ഖാനും ഏറെ ഇഷ്ടമായിട്ടുണ്ട്. എന്നാല്‍ ഒരു റീമേയ്ക്കായി ചെയ്യാന്‍ ഇരുതാരങ്ങളും തയ്യാറല്ല. ഈ സാഹചര്യത്തിലാണ് സിനിമ രണ്ട് ഭാഷകളിലും ഒരേ സമയം റിലീസ് ചെയ്യാന്‍ അണിയറപ്രവര്‍ത്തകര്‍ പദ്ധതിയിടുന്നത്.
