രജനീകാന്തിന്‍റെ അനിമേഷന്‍ സിനിമ കോച്ചടൈയാന്‍റെ ജോലികള്‍ ആരംഭിച്ചിട്ട് വര്‍ഷങ്ങളായി. ചിത്രത്തിന്‍റെ റിലീസ് തീയതി പലതവണ മാറ്റി. നൂറുകോടിക്ക് മേല്‍ ചെലവഴിച്ച ചിത്രം ഒടുവില്‍ മെയ് ഒമ്പതിന് ലോകമെങ്ങും പ്രദര്‍ശനത്തിനെത്തുമെന്ന് നിശ്ചയിച്ചു. ഇതിന്‍റെ പരസ്യങ്ങള്‍ മാധ്യമങ്ങളായ മാധ്യമങ്ങളിലെല്ലാം നിറഞ്ഞു. അഡ്വാന്‍സ് ബുക്കിംഗ് പോലും ആരംഭിച്ചു.
ഇപ്പോള്‍ കേള്‍ക്കുന്നത്, കോച്ചടൈയാന്‍ റിലീസ് വീണ്ടും മാറ്റിവച്ചു എന്നാണ്. നിര്‍മ്മാതാക്കളും ചില കേന്ദ്രങ്ങളിലെ വിതരണക്കാരുമായുള്ള തര്‍ക്കമാണത്രേ റിലീസ് നീട്ടിയതിന് കാരണം. ചില സാമ്പത്തിക ഇടപാടുകളില്‍ വ്യക്തത വന്നിട്ടില്ലത്രേ. മെയ് 23ന് ചിത്രം റിലീസ് ചെയ്യുമെന്നും റിപ്പോര്‍ട്ടുകളുണ്ട്.
