തോപ്പില്‍ ജോപ്പന്‍റെ ഓഡിയോ റിലീസിംഗ് വേളയില്‍ മമ്മൂട്ടി പ്രസംഗിച്ചത് ഇത് കുടുംബത്തില്‍ കയറ്റാന്‍ കൊള്ളാവുന്ന സിനിമയാണെന്നാണ്. അങ്ങനെ മമ്മൂട്ടിക്ക് പറയേണ്ടിവന്നത് കസബയിലെ ചില ഡബിള്‍ മീനിംഗ് ഡയലോഗുകള്‍ കാരണമാണ്. ആ ഡയലോഗുകള്‍ പരക്കെ വിമര്‍ശിക്കപ്പെട്ടിരുന്നു. എന്തായാലും ലേലം 2 വരുമ്പോള്‍ അത്തരം ഡബിള്‍ മീനിംഗ് ഡയലോഗുകള്‍ ഒന്നും ഉണ്ടാകില്ലെന്ന് ഉറപ്പാണ്.
വലിയ ഇടവേളയ്ക്ക് ശേഷം സുരേഷ്ഗോപി തന്‍റെ മാസ്റ്റര്‍പീസായ ആനക്കാട്ടില്‍ ചാക്കോച്ചിയായി വീണ്ടുമെത്തുമ്പോള്‍ തിയേറ്ററുകളില്‍ ഇടിമുഴക്കം തീര്‍ച്ച. വലിയ ഇടവേളയ്ക്ക് ശേഷം സുരേഷ്ഗോപി വീണ്ടും മുഖ്യധാരയിലേക്ക് വരുന്ന ചിത്രം കൂടിയാകും ഇത്. ലേലത്തിന്‍റെ ആദ്യഭാഗത്തിലുണ്ടായിരുന്ന പ്രമുഖ താരങ്ങള്‍ ലേലം 2ലും ഉണ്ടാകും. എങ്കിലും എം ജി സോമന്‍, എന്‍ എഫ് വര്‍ഗീസ്, കൊച്ചിന്‍ ഹനീഫ തുടങ്ങിയവരുടെ അസാന്നിധ്യം ഈ രണ്ടാം ഭാഗത്തിന്‍റെ വേദനയായിരിക്കും.
