ഹാപ്പി വെഡ്ഡിംഗ് എന്ന ചിത്രത്തിന്‍റെ വിജയം ഒരു വണ്‍‌ഫിലിം വണ്ടര്‍ ആയിരുന്നു എന്ന് വിമര്‍ശിച്ചവര്‍ അറിയുക, ഒമര്‍ ലുലു സംവിധാനം ചെയ്ത രണ്ടാമത്തെ ചിത്രം ചങ്ക്സ് മെഗാഹിറ്റ് ആയി മാറിയിരിക്കുന്നു. ചിത്രത്തിന്‍റെ കളക്ഷന്‍ 13 കോടി കടന്നതായി റിപ്പോര്‍ട്ട്.
ഹണി റോസിന്‍റെ നായികാ കഥാപാത്രവും ബാലു വര്‍ഗീസ്, ഗണപതി, ധര്‍മ്മജന്‍ തുടങ്ങിയവരുടെ തകര്‍പ്പന്‍ കോമഡിയുമാണ് ചിത്രത്തിന്‍റെ വന്‍ വിജയത്തിന് കാരണം. അശ്ലീല തമാശകള്‍ കുത്തിനിറച്ച സിനിമ എന്ന വിമര്‍ശനങ്ങളെയെല്ലാം കാറ്റില്‍ പറത്തിയാണ് സിനിമ വലിയ വിജയം സ്വന്തമാക്കിയിരിക്കുന്നത്.
