‘പ്രേമം’ കേരളത്തില്‍ മാത്രമല്ല, തമിഴ്നാട്ടിലും കൊടുങ്കാറ്റായപ്പോള്‍ ആദ്യം എല്ലാവര്‍ക്കും അമ്പരപ്പായിരുന്നു. കേരളം മലരിനെ ഏറ്റെടുത്തപ്പോള്‍ തമിഴ് ജനതയുടെ മനം കവര്‍ന്നത് സെലിന്‍ ആയെത്തിയ മഡോണയായിരുന്നു. എന്നാല്‍, തമിഴകത്തിന്‍റെ എക്കാലത്തെയും മികച്ച സംവിധായകന്‍ മണിരത്നം തന്‍റെ അടുത്ത ചിത്രത്തിലേക്ക് മലരിനെ അനശ്വരയാക്കിയ സായ് പല്ലവിയെ തെരഞ്ഞെടുത്തിരിക്കുന്നു.
എ ആര്‍ റഹ്‌മാന്‍ സംഗീതം നിര്‍വഹിക്കുന്ന ഈ സിനിമ ഒരു റൊമാന്‍റിക് ത്രില്ലറായിരിക്കും. നേരത്തേ ഈ ചിത്രത്തില്‍ ദുല്‍ക്കര്‍ സല്‍മാനെ നായകനായി പരിഗണിച്ചതാണ്. എന്നാല്‍ ഡേറ്റ് പ്രശ്നമുള്ളതുകൊണ്ടാണ് ദുല്‍ക്കര്‍ ചിത്രത്തില്‍ നിന്ന് പിന്‍‌മാറിയത്. നിത്യാമേനോന്‍, കീര്‍ത്തി സുരേഷ് എന്നിവരെയും നായികയായി പരിഗണിച്ചിരുന്നു.
